Calendr Cysylltu Adran DdiogelEnglish

Ysgol y Graig

Newyddion

15.11.24 Cystadleuaeth Cogurdd!

Cynhaliwyd cystadleuaeth Cogurdd i unrhyw un sy’n aelod o’r Urdd ym Mlynyddoedd 4, 5 a 6. Yn wir, roedd yna gogyddion crefftus yn neuadd yr ysgol yn prysur baratoi wrap o’u dewis hwy. Diolch yn fawr i Anti Olwen ac Anti Sue am feirniadu’r gystadleuaeth. Bu hen grafu pen!!

Llongyfarchiadau i Cari, Blwyddyn 6 fydd yn cynrychioli’r ysgol ym Modedern ddiwedd Tachwedd. Pob hwyl i ti!

15.11.24 Cystadleuaeth Bêl-droed

Bu’r tîm pêl-droed y bechgyn yn chwarae gêm gyfeillgar yn erbyn Ysgol Morswyn. Ar ddiwedd gêm gyffroes fe ddaeth hogiau’r Graig yn fuddugol.

Llongyfarchiadau hogia’!

15.11.24 Gwella amgylchedd chwarae Pencraig

Bu grŵp o ddisgyblion blynyddoedd 4, 5 a 6 yn cydweithio gydag asiantaethau Play Disrupt yn ddiweddar. Mae’r asiantaeth yn gweithio gyda phlant yr ardal er mwyn casglu syniadau ar sut i wella parc chwarae ym Mhencraig. Roedd y plant wedi mwynhau’r profiad ac yn edrych ymlaen y awr at weld effaith eu cyfraniad ar yr ardal chwarae sy’n lleol iddynt hwy.

15.11.24 Plant Mewn Angen

Roedd Diwrnod Plant Mewn Angen yn un llawn prysurdeb a hwyl! Fe ddaeth y plant (a’r staff) i’r ysgol wedi eu gwisgo’n lliwgar, neu mewn gwisg Pudsey. Yn ogystal â gwerthu teisennau bu’r staff yn cymryd rhan mewn cystadleuaeth addurno cacennau. Roedd y cacennau i gyd yn werth eu gweld. Llongyfarchiadau i Mrs Redvers Jones ar ddod yn fuddugol. Diolch i’r cyngor ysgol am drefnu diwrnod gwerth chweil. Llwyddwyd i godi £320 tuag at yr elusen

15.11.24 Athletau Dan Do

Llongyfarchiadau i’r plant fu’n cystadlu yng nghystadleuaeth athletau dan do ar gyfer dalgylch Llangefni. Rydym yn falch o ddweud fod tîm blwyddyn 6 wedi dod yn ail a thîm blwyddyn 5 wedi dod yn gydradd drydydd. Pob lwc i dîm blwyddyn 6 yn y rownd derfynol ym mis Ionawr!

14.11.24 Diolch!

Diolch o galon am eich rhodd o focsys a fydd yn mynd at blant tlotaf Dwyrain Ewrop. Rydych chi wedi gwneud y Nadolig hwn yn un i'w gofio!

  • voucher yn diolch am roi bocsys
  • Plant yn gafal bocsyd i blant tlotaf Dwyrain Ewrop

01.11.24 Pel Droed

Llongyfarchiadau i dîm merched Blwyddyn 5 a 6 a ddaeth yn fuddugol yng nghystadleuaeth bêl-droed Merched yr Urdd, Rhanbarth Ynys Môn yn ddiweddar. Cafwyd perfformiad cryf gan y tîm drwy gydol y diwrnod. Da iawn chi genod! Pob lwc i chi yn y gystadleuaeth genedlaethol yn Aberystwyth!

  • Tim Blwyddyn 5 a 6 Merched yn ennill cystadleuaeth pel droed yr Urdd yn Ynys Mon

25.10.24 Ffarwelio

Fe ddaeth yn amser i staff a disgyblion Ysgol y Graig i ffarwelio gydag un o’n cymorthyddion mwyaf profiadol, Mrs Susan Taylor. Mae hi wedi bod yn gymhorthydd yn Ysgol y Graig ers nifer fawr o flynyddoedd ac wedi cefnogi llawer o blant. Bydd colled fawr ar ei hôl. Dymunwn y gorau iddi ar gyfer y dyfodol.

24.10.24 Diolchgarwch

Cynhaliwyd gwasanaethau Diolchgarwch yn Uned Graig Fach ac Uned Graig Fawr gyda disgyblion Blwyddyn 2 a 6 yn arwain. Roedd y staff yn hynod falch o bob un o’r plant a gymerodd rhan yn y gwasanaethau. Eleni, penderfynwyd gwneud casgliad ar gyfer banc bwyd Ynys Môn. Hoffwn ddiolch i bawb a gyfranodd tuag ato.

  • plant yn sefyll gyda y bwyd ir banc bwyd

23-25.10.24 Ymweliad â Fferm Bodlas

O ble y daw pwmpenni? Dyna i chwi gwestiwn y bu plant Blwyddyn 1 a 2 yn ei ofyn yn ddiweddar. Er mwyn eu helpu gyda’r ateb fe drefnwyd iddynt ymweld gyda Fferm Bodlas ym Modedern. Hoffwn ddiolch i bawb yno am y croeso a gafwyd. Roedd yr hen blantos wrth eu boddau yn gweld y caeau yn llawn pwmpenni!

  • 3 myfyrwr yn eistedd ar gwellt
  • plant yn pigo pwmpeni
  • plant yn tynnu llun gyda pwmpeni
  • plant yn tynnu llun fel spiderman a hulk
  • plant yn eisedd wrth bwrdd yn gal diod

10.09.24 Diwrnod Agored Uned Graig Fach

Bellach y mae Uned Graig Fach wedi agor yn swyddogol. Mae’r adeilad newydd hwn yn gartref i blant oed meithrin hyd at Flwyddyn 2, gyda disgyblion Blwyddyn 3 hyd at flwyddyn 6 yn mynychu Uned Graig Fawr sydd wedi ei leoli yn yr adeilad gwreiddiol a agorwyd yn 2009.

Ar Fedri’r 10fed eleni agorwyd drysau Uned Graig Fach i’r cyhoedd a braf oedd gweld cynifer yn dod draw i weld yr adeilad newydd. Mae’r gofod yn cynnig amgylchedd braf ac ysgogol, lle gall ein disgyblion ffynnu wrth iddynt ddysgu a chyrraedd eu llawn potensial.

  • open-day-9
  • open-day-5
  • open-day-8
  • open-day-7
  • open-day-6
  • open-day-5
  • open-day-3
  • open-day-25
  • open-day-24
  • open-day-23
  • open-day-22
  • open-day-21
  • open-day-20
  • open-day-2
  • open-day-19
  • open-day-17
  • open-day-16
  • open-day-15
  • open-day-14
  • open-day-13
  • open-day-12
  • open-day-11
  • open-day-10
  • open-day-1
  • open-day -18

09.05.22

Diolch o galon i Grŵp Cefnogi Môn am y rhodd hael i’r ysgol.

Dyma rai o swyddogion y Cyngor ysgol yn barod i drafod sut i wario’r arian er budd y disgyblion.

  • 090522-cyngor-ysgol

06.12.21

Ymgyrch ail-gylchu pwmpiau Asthma

Diolch yn fawr iawn i bawb a fu’n cefnogi ein hymgyrch i ail-gylchu ein pwmpiau Asthma. Roedd y Feddygfa leol yn falch o’u derbyn.

  • 061221 -1
  • 061221 -2-sml
  • 061221 -3

17.11.21 Y Glorian Hydref 2021

Blwyddyn Ysgol Newydd

Croesawyd criw newydd o blant unwaith eto i ddosbarth y Nyth yng ngofal Mrs Edwards. Bydd hi’n cael ei chadw’n brysur gyda’r criw hynaf yn mynychu yn y bore a’r rhai hynaf yn y prynhawn.

Athrawon Newydd

Croesawyd athrawon newydd i ysgol y Graig yn ystod y Tymor hwn. Penodwyd Mrs Manon Jones yn athrawes i Flwyddyn 6 a Miss Laura Millican yn athrawes i Flwyddyn 4. Penodwyd Mrs Manon Jones hefyd yn bennaeth ar yr adran Blwyddyn 5 a 6 dros dro. Croeso cynnes i’r ddwy ohonynt.

PC Owain

Cafwyd nifer o ymweliadau gan PC Owain fu’n siarad efo’r plant am ffordd o ymddwyn y tu allan i’r ysgol. Bu llu o sgyrsiau da ar sut y gall ymddygiad da wneud i bawb fod yn hapus yn cyd-fyw gyda’i gilydd. Gwelwyd nifer o fideos hefyd er mwyn trafod sut y gall ymddygiad gwrthgymdeithasol effeithio ar deuluoedd a’r gymuned i gyd.
Diolch i PC Owain am ei amser ac am y trafodaethau arbennig a gafwyd.

Dail yr Hydref

Cafodd dosbarthiadau plant blwyddyn 3 a 4 fynd am dro ar hyd Llwybr Traed Bach yn ddiweddar i gasglu dail o bob math wrth fynd ati i edrych ar newidiadau byd natur yn nhymor yr Hydref. Roedd hi’n deg dweud bod ambell un wedi casglu pentwr o ddail oedd wedi disgyn! Cafodd y plant hwyl garw ar arddangos y newidiadau hyn wedi iddynt ddychwelyd i’r dosbarth a chwblhau eu gwaith.
Diolch i’r athrawon am fynd a’r plantos ar eu hantur!

Diolchgarwch

Bu’r plant yn brysur yn creu fideos Diolchgarwch i’w rhannu gyda’r rhieni a gweddill yr ysgol. Gwelwyd gwaith caled iawn gan ddisgyblion Blwyddyn 6 fu’n cyd-gordio ymdrechion pob dosbarth unigol i glymu’r eitemau gyda’i gilydd. Diolch i’r holl athrawon am eu gwaith gyda’r plant.

Ymweliad Blwyddyn 6 ȃ’r llyfrgell

Fel rhan o ddathliadau Wythnos Gofod y Byd, gwahoddwyd disgyblion blwyddyn 6 i’r llyfrgell i gymryd rhan mewn gweithgareddau codio. Trefnwyd pedair sesiwn i gyd, a bu’r plant yn brysur iawn yn rhaglennu robotiaid LEGO. Cafwyd hwyl garw yn cynnal rasys gyda’r robotiaid yma wedyn! Yna, cawsant flas ar greu animeiddiad eu hunain drwy raglennu a chodio ar y cyfrifiadur.
Diolch o galon i’r staff yn y llyfrgell am drefnu’r gweithgareddau ac i roi o’u hamser fel bod y disgyblion yn cael profiadau gwerthfawr fel hyn.

  • glorian-1
  • glorian-2
  • glorian-3
  • glorian-4
  • glorian-5
  • glorian-6
  • glorian-7

15.11.21 Diwrnod Shwmae / Sh’mae

Cawsom ddathlu diwrnod shwmae/su’mai ar Hydref 15fed trwy greu ein darluniau a gwneud gweithgareddau yn y dosbarth. Mae’r diwrnod wedi ei drefnu gan fentrau iaith Cymru i’n helpu ni i gofio y dylai pob un ohonom ddechrau pob sgwrs yn y Gymraeg.

 

 

Ysgol y Graig

Dolenni Defnyddiol

Cysylltwch â Ni

Ysgol y Graig,
Ffordd y Coleg,
Lon Talwrn,
Llangefni,
Ynys Môn,
LL77 7LP

6602154_pennaeth.graig@Hwbcymru.net

(01248) 723092

Hysbysiad Preifatrwydd | Hysbysiad Preifatrwydd Plant a Phobl Ifanc | © 2023 Ysgol y Graig. Gwefan gan Delwedd